22/02/2019 · niitlelch.mn (Archiv) · Archive

ЛИТВИ: ‘КРИПТО’-д зориулсан төлбөрийн систем гаргана

Литви улсын Төв Банкнаас гаргаж буй бодлогын өөрчлөлт нь криптогоор төлбөр тооцоо хийх боломжийг бүрдүүлэх шинжтэй байна.

“Initial coin offering”-оор дамжуулан криптовалют болон токен гаргах тал дээр Литвийн Төв Банк ийнхүү бодлогодоо өөрчлөлт оруулж байна.

Литви улсын валютын бодлогыг тодорхойлж, санхүүгийн зах зээлийг чиглүүлж байдаг Төв Банк нь виртуал мөнгөн дэвсгэрт гэх ойлголтыг Виртуал өмч болгон өөрчилсөн төдийгүй, зах зээлд оролцогч бүх талууд нь төлбөр тооцоо хийх, виртуал өмчтэй байх ижил тэгш эрхийг эдлэх ёстой гэжээ.

Гэхдээ Литви улсад одоогоор крипто хөрөнгө оруулалтын сангууд нь зөвхөн мэргэжлийн хөрөнгө оруулагч нарт л нээлттэй байгаа юм. Түүнчлэн санхүүгийн байгууллагууд нь төлбөр тооцоог шууд криптогоор хийхийг хараахан зөвшөөрөөгүй, цаашдаа тийм болох боломж нь аажмаар бүрдэж эхэллээ гэж үзэж болохоор байна.

Ямартаа ч шинэ бодлогын өөрчлөлтийн дагуу виртуал өмчтэй компаниуд нь крипто төлбөр тооцоогоо шууд бусаар буюу 3 дагч талын платформоор дамжуулан, тухайн нутаг дэвсгэрийн фиат буюу цаасан мөнгө рүү шилжүүлэн авах боломж бүрджээ.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.