04.04.2017 · niitlelch.mn (Archiv) · Archiv

Гацууртын ордын талбайг 3025 га-гаар тогтоов

Сэлэнгэ аймгийн Мандал сумын нутаг дахь Гацууртын ордын талбайн хэмжээг 3025 га байхаар тогтоолоо. Стратегийн чухал ач холбогдол бүхий уг орд Улаанбаатар хотоос 180 км-т байдаг бөгөөд ашиглалтын тусгай зөвшөөрлийг “Сентерра Гоулд” компани эзэмшдэг.

Алтны ордын талбайн хэмжээг геологийн тогтоц, ашигт малтмалын илрэл, эрдэсжсэн цэг, эрлийн шалгуур шинж тэмдэг, ашигт малтмалын хүдэржилт байж болох талбай, уурхайн үйлдвэрлэлтэй холбоотой бүтээн байгуулалт хийх газар зэргийг харгалзсан байна.

50 тоннын нөөц бүхий тус орд болон Эрдэнэтийн зэс-молибдений талбайн хилийн заагийг тогтоох ажлын хэсэг өнгөрөгч сард газар дээр нь ажиллан дүгнэлт гаргасны дүнд өнөөдөр Засгийн газрын хуралдаанаар эцсийн шийдвэр гаргажээ.

Dieser Artikel stammt aus dem früheren niitlelch.mn-Archiv. Ursprüngliches Datum oben.
🗎 Archivkopie (2026-10-24)
Archivkopie: Wir speichern das HTML der Quelle zum Zeitpunkt des Abrufs. Auch wenn das Original gelöscht oder geändert wird, bleibt nachlesbar, was dort stand. Die SHA-256-Prüfsumme belegt, dass die Datei unverändert ist.

⚑ Fehler melden

Kommentare (0)

Noch keine Kommentare.

Zum Kommentieren bitte anmelden.