07/03/2019 · niitlelch.mn (Archiv) · Archive

Автомашиныхаа улсын дугаарыг тогтмол шалгаж байгаарай!

Улсын дугаар нь тухайн тээврийн хэрэгсэл болон эзэмшигчийн гол мэдээллүүдийг агуулдаг бүртгэлийн нэг хэлбэр юм. Монгол улсад замын хөдөлгөөнд оролцож байгаа механикжсан тээврийн хэрэгсэл болон түүний чиргүүлд Автотээврийн тухай хуульд заасны дагуу улсын дугаар авч, замын хөдөлгөөнд оролцох үүрэгтэй.

Гэвч тээврийн хэрэгсэл эзэмшигч, өмчлөгч нар автомашиныхаа улсын дугаар нь чанарын шаардлага хангаж байгаа эсэхэд хяналт тавьдаггүй, зөрчилтэй хэвээр хөдөлгөөнд оролцох тохиолдол их байна.

Зам тээврийн осол, хэргийн газрыг орхиж явсан, бусад төрлийн гэмт хэрэг үйлдэхэд ашигласан тээврийн хэрэгслүүд нь улсын дугааргүй, улсын дугаараа нуун далдалсан, бичиглэлээ бүдгэрүүлж арилгасан, буруу байрлуулах зэргээр гэмт үйлдлээ нуун далдлах оролдлого хийх явдал түгээмэл байдаг тул цагдаагийн байгууллагаас гэмт хэргээс урьдчилан сэргийлэх зорилгоор тогтмол хяналт шалгалт хийж ажилладаг.

Иймд жолооч та автомашиныхаа улсын дугаарыг тогтмол шалгаж, зөрчлөө арилган замын хөдөлгөөнд оролцохыг Тээврийн цагдаагийн албанаас зөвлөж байна.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.