18/03/2019 · niitlelch.mn (Archiv) · Archive

Шинэ “гэрлэх ёслолын өргөө” нээгдэж, хосууд хуримлав

Дархан хотод шинээр нээгдэж буй “Гэрлэх ёслолын өргөө” Билгийн тооллын шинийн наймны билэгт өдөр өндөр үүдээ нээлээ.

Энэхүү өргөөг нээж  Өрх гэрийн голомтоо бадрааж, Өргөө гэрийн баганаа түшилцэх гурван залуу хосын гэрлэх ёслол боллоо.

Тэдэнд УИХ-ын гишүүн Б.Баттөмөр, аймгийн ИТХ-ын дарга Г.Эрдэнэбат, аймгийн Засаг дарга С.Насанбат нарын тэргүүтэй аймаг, орон нутгийн удирдлагууд хүндэтгэл үзүүлж, хан хуурыг дурсгал болголоо.

Ийнхүү Гэрлэх ёслолын өргөөтэй болж, мянга мянган залуу хосууд маань төрөлх хотдоо гал голомтоо бадрааж, гэрлэлтээ ёслол төгөлдөр батлуулах боломж бүрдэж буйд нээлтэнд оролцогчид баяртай байгаагаа илэрхийлж байв.

Гэрлэх ёслолын өргөөг байгуулахад холбогдох яамнаас засварын 40 сая, Орон нутгийн хөгжлийн сангаас доторх тохижилтын 20 орчим сая төгрөгийг шийдвэрлэн аймгийн ГБХЗХГ-ын хоёрдугаар давхарт байгуулсан байна.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.