09/04/2017 · niitlelch.mn (Archiv) · Archive

Хятад Монголын транзит урсгалыг нэмэгдүүлнэ

Энэ сарын 6-7-нд Бээжин хотноо “Транзит Монгол 2017” форумыг зохион байгуулсан. Зам тээврийн хөгжлийн яам, Улаанбаатар төмөр зам хувь нийлүүлсэн нийгэмлэг (ХНН) хамтран зохион  байгуулсан уг форумын үр дүнд Хятадын тал Монголын транзит урсгалыг нэмэгдүүлэхээ амласан байна.

Форумын үеэр Зам тээврийн хөгжлийн дэд сайд Б.Цоггэрэл БНХАУ-ын төмөр замын ерөнхий компанийн гүйцэтгэх захирал бөгөөд Төмөр замын сайд Лу Дунфутай уулзаж, Эрээн-Тяньжин чиглэлд ачаа хүлээн авах чадварыг сайжруулж, Монгол Улсыг чиглэсэн ачаа урсгалыг нэмэгдүүлэх, үнэ тарифын хөнгөлөлт үзүүлэх талаар зөвшилцжээ. Түүнчлэн Тавантолгой-Гашуунсухайт, Хөөт-Бичигт, Ханги-Мандал чиглэлийн төмөр замын асуудлаар санал солилцсон байна.

Өнгөрөгч онд 167 чингэлэгийн галт тэрэг Монгол Улсын нутгаар дамжин өнгөрсөн нь өмнөх оныхоос 2 дахин нэмэгдсэн үзүүлэлттэй байгаа ч энэ тоог цаашид хүргэх боломжтой. Тиймээс Зам тээвэр хөгжлийн яам болон Улаанбаатар төмөр зам ХНН дамжин өнгөрөгч галт тэрэгний тоог нэмэх зорилгоор дамжин өнгөрөх чингэлгийн шилжүүлэн ачилтын тарифыг 70, тээврийн тарифыг 15 хувиар хямдруулахаар шийдвэрлээд буй.

Энэхүү форумыг зохион байгуулсан нь Монгол, Хятад, Орос гурван улсыг дамнасан төмөр замын коридороор дамжин өнгөрөх ачааны урсгалыг нэмэгдүүлж, хил дамнасан тээврийг хөгжүүлэхэд онцгой ач холбогдолтой.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.