2019.04.01 · niitlelch.mn (Archiv) · Архив

Улсын Ерөнхий шүүгч Ц.Зоригийг албан тушаалаас нь чөлөөллөө

Нэрээр автоматаар холбосон · ⚑ Алдаа мэдэгдэх

Ерөнхийлөгч Х.Баттулга /2019-03-28/-ний өдөр “Ц.Зоригийг албан тушаалаас чөлөөлөх тухай” зарлиг гаргалаа.

“Монгол Улсын Үндсэн хуулийн Тавин нэгдүгээр зүйлийн 4 дэх хэсгийг үндэслэн ЗАРЛИГ БОЛГОХ нь:

Цэвэгмэдийн Зоригийг Монгол Улсын Дээд шүүхийн Ерөнхий шүүгчийн албан тушаалаас өөрийнх нь хүсэлтээр чөлөөлсүгэй” гэжээ.

Цэвэгмэдийн ЗОРИГ нь Хэнтий аймгийн Өмнөдэлгэр суманд төрсөн.

1982 онд МУИС-ийн хуулийн ангийг төгссөн, эрх зүйч мэргэжилтэй, хууль зүйн ухааны магистр зэрэгтэй.

Монгол Улсын шүүхийн шүүгчийн “Тэргүүн түшээ” зэрэг дэвтэй.

1982-1990 онд Сэлэнгэ аймаг, Улсын Дээд шүүх, Хууль зүй, арбиртын яаманд арбитрч,

1990-1992 онд Октябрийн районы ардын шүүхэд шүүгч;

1992-1993 онд Улаанбаатар хотын шүүхийн гишүүн;

1993-2006 онд Нийслэлийн шүүхийн шүүгч;

2006-2010 онд Нийслэлийн шүүхийн Ерөнхий шүүгч;

2010 онд Улсын Дээд шүүхийн шүүгч;

2010-2013 онд Шүүхийн Ерөнхий Зөвлөлийн дарга;

2010 оны 11 дүгээр сарын 5-ны өдрөөс эхлэн Улсын Дээд шүүхийн Ерөнхий шүүгчээр ажиллаж байсан юм.

Ерөнхийлөгчийн хэвлэлийн алба

Энэ нийтлэл niitlelch.mn-ийн өмнөх архиваас. Анх нийтлэгдсэн огноо дээр заагдсан.
🗎 Архивлагдсан хувь (2026-10-24)
Архивлагдсан хувь: бид эх сурвалжийн HTML-ийг татаж авсан тэр мөчид нь хадгалдаг. Эх нийтлэл устсан, өөрчлөгдсөн ч энд юу бичигдсэн байсныг харж болно. Хяналтын нийлбэр (SHA-256) нь файл өөрчлөгдөөгүйг баталгаажуулна.

⚑ Алдаа мэдэгдэх

Сэтгэгдэл (0)

Сэтгэгдэл алга.

Сэтгэгдэл бичихийн тулд нэвтэрнэ үү.