02/05/2019 · niitlelch.mn (Archiv) · Archive

“Охиныг хүчирхийлж, цогцсыг нь ууланд булсан” гэх мэдүүлгийг шалгаж байна

Сэлэнгэ аймгийн Жавхлант сумаас дөрөвдүгээр сарын 14-ний өдрийн 18:00 цагийн үед ЕБС-ийн гуравдугаар ангийн сурагч Бибишийн Ундармаа охин алга болсон.

Хэргийг үйлдсэн байж болзошгүй 30 гаруй насны этгээдийг нийслэлийн Сонгинохайрхан дүүргээс саатуулсан байна. Сэжигтэн мэдүүлэг өгөхдөө “Охиныг Улаанбаатар хотод авчраад хүчирхийлж, цогцсыг нь ууланд булсан” гэжээ. Гэхдээ түүний мэдүүлгийг цагдаа нар шалгаж байгаа юм байна.

Дээрх асуудлаар ЦЕГ-ын Хэвлэл мэдээллийн төвөөс тодруулахад “Мөрдөн шалгалтын ажиллагаа явагдаж байна. Мэдээлэл өгөх боломжгүй” гэсэн тайлбар өглөө.

Болсон явдлыг эргэн сануулахад, тухай өдөр охин гэрийнхээ ойролцоох тоглоомын талбайд тоглож байгаад оройхон гэнэт сураггүй болжээ. Ээж нь гэртээ хоолоо хийж байхдаа хамгийн сүүлд 18:00 цагийн орчимд түүнийг гэрийнхээ хойд талын тоглоомын талбайд тоглож байхыг харсан аж.

Харин аав нь гэртээ ирээд, охиноо дуудахаар очиход талбай дээр харагдаагүй тул ойр хавийн айлуудаас сураглаж эхэлсэн байна.Улмаар охиноо алга боллоо хэмээн хуулийн байгууллагад хандсанаар эрлийн ажиллагаа орон даяар эхэлсэн юм.

эх сурвалж: news.mn

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.