06.05.2019 · niitlelch.mn (Archiv) · Archiv

Хожигдох эрхгүй “Хьюстон Рокетс”-ыг Харден ялалтад хөтлөв

“Хьюстон Рокетс” болон “Голден Стэйт Уорриорс” багуудын цувралын гурав дахь тоглолт өчигдөр өглөө “Toyota Center” ордонд боллоо. Цувралын эхний хоёр тоглолтод хожигдоод байсан “Хьюстон Рокетс” баг энэ өдөр өрсөлдөгчөө нэмэлт цагт 126-121 харьцаатай хожиж, цувралын харьцааг 2-1 болгоод байна.

Хожигдох эрхгүй талбайд гарсан “Хьюстон Рокетс” баг эхнээсээ сайн тоглож байсан бөгөөд Ж.Харден 41 оноогоор багаа тэргүүлж, Э.Гордон 30 оноо, К.Пол 14 оноо, К.Капела 13 оноо, 11 удаа самбараас бөмбөг авсан бол сэлгээнээс И.Шумперт 10 оноогоор багтаа тусалжээ.

Тэдний өрсөлдөгч “Голден Стэйт Уорриорс” багаас К.Дюрант 46 оноо авч шилдэг тоглолтоо үзүүлж байсан ч Ж.Харден хариуг нь маш сайн барьж байсан бөгөөд ялангуяа тоглолт өндөрлөхөд минут хүрэхгүй хугацаанд А.Игуодалогийн эсрэг гурван онооны шидэлтээ амжилттай болгосноор багийнхаа хожлыг баталгаажуулж чадсан юм.

Dieser Artikel stammt aus dem früheren niitlelch.mn-Archiv. Ursprüngliches Datum oben.
🗎 Archivkopie (2026-10-24)
Archivkopie: Wir speichern das HTML der Quelle zum Zeitpunkt des Abrufs. Auch wenn das Original gelöscht oder geändert wird, bleibt nachlesbar, was dort stand. Die SHA-256-Prüfsumme belegt, dass die Datei unverändert ist.

⚑ Fehler melden

Kommentare (0)

Noch keine Kommentare.

Zum Kommentieren bitte anmelden.