07/05/2019 · niitlelch.mn (Archiv) · Archive

Онгоцны ослоос, илүү олон зорчигч амьд үлдэх боломж байжээ!

ОХУ-ын нийслэл Москва хотоос ням гаригт /2019.05.05/ Мурманскийн чиглэлд хөөрсөн “Sukhoi Superjet 100” нисэх онгоц хөөрөөд хагас цагийн дараа техникийн саатал гарч, Шереметьевогийн нисэх буудалд ослын буулт хийх үеэр онгоц шатсан юм.

СУ 1492 чиглэлийн уг онгоцонд нийт 73 зорчигч, нисэх багийн таван гишүүн явснаас 41 хүн амь үрэгдсэн билээ. Гэхдээ амьд үлдсэн зорчигчдын мэдээлж буйгаар, ослоос илүү олон хүн амьд гарч болох байсан гэнэ.

Учир нь онгоц ослын буулт хийж, шатах үеэр урдуур суудал буюу гарцтай ойр байсан зарим зорчигчид ачаа тээшээ авч гарах гэж гарцыг бөглөснөөр бусдынхаа амьд гарах боломжийг үгүй хийсэн байна.

Онгоц осолдсоноос нэг цаг орчмын дараа нисэх буудлаас ачаагаа аваад гарч буй нэгэн зорчигчийн зураг бичлэг цахим сүлжээнд таржээ.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.