17/04/2017 · niitlelch.mn (Archiv) · Archive

Сөрөг хүчин татвар нэмсэнийг эсэргүүцэж байна

Өнгөрөгч долоо хоногт Төсвийн тодотголыг баталж, хувь хүний орлогын албан татвар, цахилгаан болон бензин хосолсон хөдөлгүүртэй мөн газан хөдөлгүүртэй машины импортын татварыг нэмэгдүүлэх шийдвэр гаргасан. Харин өнөөдөр УИХ дахь АН-ын бүлэг хуралдаж, хурлынхаа дараа сэтгүүлчдэд мэдээлэл хийлээ.

Тэд эрх баригч нам долоон төрлийн татвар нэмсэнийг эсэргүүцэж буй бөгөөд энэ нь ямар ч тооцоо судалгаа, үндэслэлгүй шийдвэр болсон хэмээн үзэж буйгаа илэрхийлсэн юм.

Татварын өөрчлөлт ирэх сарын нэгнээс хэрэгжиж эхлэх болсныг ч АН-ын бүлгийнхэн эсэргүүцэж байгаа гэнэ. Хуулийн төсөл хэлэлцэж байх үеэр татварын өөрчлөлтийг аравдугаар сарын 1-нээс болгон сунгаж өгөх тухай санал оруулсан боловч олонхийн дэмжлэг авч чадаагүй байна.

Түүнчлэн тэтгэврийн насыг үе шаттайгаар нэмж буй нь иргэдийн амьжиргааны түвшинд сөргөөр нөлөөлсөн хууль тогтоомж боллоо гэдгийг онцолсон юм.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.