2017.04.25 · niitlelch.mn (Archiv) · Архив

Дэлбэрэлтийн улмаас хохирсон ангийн захирагч нарт хариуцлага тооцжээ

Энэ сарын 11-нд Тавантолгой дахь цэргийн сургалтын нэгдсэн төвд гранат дэлбэрсний улмаас, хоёр ахлагч нас барж, наймаг хүн гэмтсэн харамсалтай явдал болсон.

Үүнтэй холбогдуулан Зэвсэгт хүчний жанжин штабын даргын зөвлөл 21-нд хуралдаж, сургуулилалт хийж байсан 350-р ангийн захирагч, хурандаа Д.Өлзийбаярыг ажлаас нь чөлөөлөх шийдвэр гаргажээ. Хурандаа Д.Өлзийбаярын оронд ЗХЖШ-ын Сургалтын хэлтсийн ахлах мэргэжилтэн Ж.Сүх-Очирыг томилжээ.

Цэргийн сургуулилтын үеэр бэртсэн найман цэргийн хоёрт нь яаралтай хагалгаа хийсэн бөгөөд бусад цэргийн биеийн байдал сайжирсан тул эмнэлгээс гарч, албан үүргээ гүйцэтгэж эхэлсэн байна.

Энэ нийтлэл niitlelch.mn-ийн өмнөх архиваас. Анх нийтлэгдсэн огноо дээр заагдсан.
🗎 Архивлагдсан хувь (2026-10-24)
Архивлагдсан хувь: бид эх сурвалжийн HTML-ийг татаж авсан тэр мөчид нь хадгалдаг. Эх нийтлэл устсан, өөрчлөгдсөн ч энд юу бичигдсэн байсныг харж болно. Хяналтын нийлбэр (SHA-256) нь файл өөрчлөгдөөгүйг баталгаажуулна.

⚑ Алдаа мэдэгдэх

Сэтгэгдэл (0)

Сэтгэгдэл алга.

Сэтгэгдэл бичихийн тулд нэвтэрнэ үү.