19.01.2018 · niitlelch.mn (Archiv) · Archiv

ГХ-ны Сайд Ц.Цогтбаатар Европын…

Automatisch über den Namen verknüpft · ⚑ Fehler melden

ГХ-ны Сайд Ц.Цогтбаатар Европын холбооны Элчин сайд нартай уулзав

Гадаад харилцааны сайд Д.Цогтбаатар өчигдөр Европын Холбооны Төлөөлөгчийн газрын Хэргийг түр хамаарагч Марко Ферри болон Улаанбаатаар дахь Европын Холбооны гишүүн Их Британи, Франц, Итали, Герман, Чех, Унгар, Болгар зэрэг орны Элчин сайд нарыг хүлээн авч уулзав.

Уулзалтаар Монгол Улс, Европын Холбооны харилцаа, хамтын ажиллагааны өнөөгийн байдал,  2018 онд хэрэгжүүлэх ажил, арга хэмжээний талаар санал солилцов. Тухайлбал, 2017 онд Түншлэл, хамтын ажиллагааны тухай Монгол Улс, Европын Холбооны хоорондын хэлэлцээр 2017 оны 11 дүгээр сараас хүчин төгөлдөр үйлчилж эхэлсэн, Европын Холбооны Төлөөлөгчийн газар Улаанбаатар хотноо нээгдсэн, хоёр талын яриа хэлэлцээний механизм өргөжиж, Хүний эрхийн асуудлаарх яриа хэлэлцээ эхлүүлсэн зэрэг томоохон ажлыг хамтран амжилттай хэрэгжүүлснийг онцлов. Энэ онд Монгол Улсын экспорт, Европын Холбооны хөрөнгө оруулалтыг нэмэгдүүлэхийн төлөө дорвитой ажил хийж, бодит үр дүнд хүрэх, хөрөнгө оруулалтыг татахад тулгарч буй саад тотгорыг арилгах чиглэлд хамтран ажиллахаар тохиров.

Мөн сайд Д.Цогтбаатар Европын Холбооны татварын асуудлаар хамтран ажилладаггүй орнуудын жагсаалтаас Монгол Улсыг ойрын хугацаанд хасуулахад гишүүн орнуудын дэмжлэгийг хүсэв. Тэрбээр Монгол Улсын Засгийн газар татварын хууль, эрх зүйн орчноо олон улсын жишигт хүргэх, сайн засаглалыг бэхжүүлэх, нээлттэй, ил тод байдлыг дэмжих чиглэлд тууштай ажиллаж байгааг Элчин сайд нарт мэдээлэв.

Dieser Artikel stammt aus dem früheren niitlelch.mn-Archiv. Ursprüngliches Datum oben.
🗎 Archivkopie (2026-10-24)
Archivkopie: Wir speichern das HTML der Quelle zum Zeitpunkt des Abrufs. Auch wenn das Original gelöscht oder geändert wird, bleibt nachlesbar, was dort stand. Die SHA-256-Prüfsumme belegt, dass die Datei unverändert ist.

⚑ Fehler melden

Kommentare (0)

Noch keine Kommentare.

Zum Kommentieren bitte anmelden.