21.03.2018 · niitlelch.mn (Archiv) · Archiv

Өнөөдөр “Дэлхийн яруу найргийн өдөр” тохиож байна

Юнескогоос анх 1999 онд тунхагласан “Дэлхийн яруу найргийн өдөр” өнөөдөр тохиож байна.

Монголын зохиолчдын эвлэл уг өдөрт зориулж, Монголын хүүхдийн урлан бүтээх төвтэй уламжлал ёсоороо хамтран “Нэг ертөнц” яруу найраг, уран бичлэгийн үзэсгэлэнгээ 15:00 цагт нээх гэж буй.

Үзэсгэлэнд Монгол Улсын хөдөлмөрийн баатар, ардын уран зохиолч, төрийн болон Д.Нацагдоржийн шагналт, соёлын гавьяат зүтгэлтэн, “Болор цом”-ын эзэн, Г.Сэр-Одын шагналт, МЗЭ-ийн гишүүнээс төлөөлөл болгож, хамгийн алдартай, сайн бүтээлийг нь Монгол бичигт хөрвүүлэн бичсэн байх аж.

60 орчим найрагчийн бүтээл дэлгэгдэх тус үзэсгэлэнгийн бичвэрийг Монголын хүүхдийн урлан бүтээх төвийн 20-иод багш, сурагч гүйцэтгэсэн гэнэ.

Мөн энэ үеэр зочин яруу найрагчид яруу найргийнхаа дээжээр мялаалга өргөх юм байна. Үзэсгэлэн 10 хоног үргэлжилнэ.

Dieser Artikel stammt aus dem früheren niitlelch.mn-Archiv. Ursprüngliches Datum oben.
🗎 Archivkopie (2026-10-24)
Archivkopie: Wir speichern das HTML der Quelle zum Zeitpunkt des Abrufs. Auch wenn das Original gelöscht oder geändert wird, bleibt nachlesbar, was dort stand. Die SHA-256-Prüfsumme belegt, dass die Datei unverändert ist.

⚑ Fehler melden

Kommentare (0)

Noch keine Kommentare.

Zum Kommentieren bitte anmelden.