26.09.2018 · niitlelch.mn (Archiv) · Archiv

Ерөнхийлөгч Х.Баттулга Азербайжаны соёлын төвийн хүндэт зочны дэвтэрт гарын үсгээ үлдээв

Бүгд Найрамдах Азербайжан улсад ажлын айлчлал хийж байгаа Монгол Улсын Ерөнхийлөгч Х.Баттулга өчигдөр Азербайжаны нийслэл Баку хотын Соёлын төвд зочиллоо.

Баку хотын төдийгүй Азербайжан улсын нэрийн хуудас болсон энэхүү соёлын төвийг Хейдар Алиевийн төв гэж нэрлэдэг бөгөөд Азербайжаны ард түмний удирдагч Хейдар Алиевийн үзэл баримтлалыг ул суурьтай судлах, улсынхаа түүх, хэл, соёл, үндэсний үнэт зүйлсийг бүх талаар хөгжүүлэн дэмжих зорилготой ажиллуулдаг байна.

Монгол Улсын Ерөнхийлөгч Х.Баттулгад танилцуулснаар тус улс энэ төвийг барихад маш их анхаарал хандуулсан бөгөөд алдарт архитектор асан Заха Хадид загварчилж, 57.5 мянган м.кв бүхий өвөрмөц, Азербайжаны түүх, соёлын төвийг 2012 онд ашиглалтад оруулж байжээ. Өдгөө энэ төвд төвийн үйл ажиллагаатай холбоотой хурал, симпозиум, үзэсгэлэн зэрэг олон арга хэмжээ тасралтгүй зохион байгуулагддаг байна.

aМонгол Улсын Ерөнхийлөгч Х.Баттулга Хейдар Алиевийн нэрэмжит тус улсын Соёлын төвд зочилсныхоо дараа хүндэт зочны дэвтэрт “…Хоёр улсын хамтын ажиллагаа олон түвшинд хөгжин, цэцэглэх болтугай…” хэмээн бичиж үлдээв.

Dieser Artikel stammt aus dem früheren niitlelch.mn-Archiv. Ursprüngliches Datum oben.
🗎 Archivkopie (2026-10-24)
Archivkopie: Wir speichern das HTML der Quelle zum Zeitpunkt des Abrufs. Auch wenn das Original gelöscht oder geändert wird, bleibt nachlesbar, was dort stand. Die SHA-256-Prüfsumme belegt, dass die Datei unverändert ist.

⚑ Fehler melden

Kommentare (0)

Noch keine Kommentare.

Zum Kommentieren bitte anmelden.