02.11.2018 · niitlelch.mn (Archiv) · Archiv

Төв аймагт “гамшгаас хамгаалах мэдлэг олгох сургалт” болно

Төв аймагт энэ сарын 03-05-ны өдрүүдэд зохион байгуулагдах Гамшгаас хамгаалах иж бүрэн сургуулийн хүрээнд ард иргэдэд болзошгүй аюулт үзэгдэл, ослоос урьдчилан сэргийлэх, хор уршгийг арилгах, эрсдэлийг бууруулах чиглэлээр мэдлэг олгох сургалтуудыг зохион байгууллаа.

Сургалтыг ОБЕГ, “Дэлхийн зөн-Монгол” ОУБ, МУЗН, “Жайка” Олон улсын байгууллагатай хамтран иргэд, олон нийтэд аюулт үзэгдэл, ослоос урьдчилан сэргийлэх, өөрийгөө болон бусдыг авран хамгаалах, аюул, эрсдэлгүй орчинд аж төрөх мэдлэг боловсрол эзэмшүүлэх зорилгоор боловсруулсан “Бэлэн бай”, “Хэн ч, Хэзээ ч, Хаана ч Бэлэн” сургалтын багцуудаар явуулж байгаагаараа онцлог юм.

Гамшгаас хамгаалах мэдлэг олгох зорилготой сургалтанд аймгийн төрийн болон төрийн бус байгууллагын ажилтан, ард иргэд, оюутан, залуучууд болон ерөнхий боловсролын сургуулийн сурагчдыг хамруулан 42 удаагийн сургалтыг зохион байгуулж, 1643 иргэнийг хамруулаад байна гэж Онцгой байдлын ерөнхий газраас мэдээллээ.

Dieser Artikel stammt aus dem früheren niitlelch.mn-Archiv. Ursprüngliches Datum oben.
🗎 Archivkopie (2026-10-24)
Archivkopie: Wir speichern das HTML der Quelle zum Zeitpunkt des Abrufs. Auch wenn das Original gelöscht oder geändert wird, bleibt nachlesbar, was dort stand. Die SHA-256-Prüfsumme belegt, dass die Datei unverändert ist.

⚑ Fehler melden

Kommentare (0)

Noch keine Kommentare.

Zum Kommentieren bitte anmelden.