14/11/2018 · niitlelch.mn (Archiv) · Archive

Хуралдаанаар Д.Хаянхярвааг МАН-ын бүлгийн даргаас огцруулав

УИХ дахь МАН-ын бүлгийн хуралдааны шийдвэр гарч, УИХ дахь МАН-ын бүлгийн дарга Д.Хаянхярвааг албан тушаалаас нь огцруулахаар болжээ.

Тодруулбал, өчигдөр /2018-11-12/ болсон МАН-ын УЗ-ын хурлаар Ерөнхий сайд, МАН-ын дарга У.Хүрэлсүх бүлгийн дарга Д.Хаянхярвааг суудлаас нь буулгах санал тавьсан. Харин өнөөдөр /2018-11-13/ болж буй МАН-ын бүлгийн хуралдааны үеэр 20 гаруй гишүүд асуулт асууж, санал хэлсэн байна.

Улмаар санал хураалт явуулахад хуралдаанд оролцсон гишүүдийн санал 29:29-өөр тэнцэж, дахин санал хураалт явуулсан байна.

Ингээд хуралд нэмж ирсэн нийт гишүүдийн 32 нь дэмжиж, 28 нь эсрэг санал өгснөөр Д.Хаянхярвааг МАН-ын бүлгийн даргын албан тушаалаас чөлөөллөө.

Мөн ХХААХҮ-ийн сайдаар УИХ-ын гишүүн Ч.Улааныг нэр дэвшүүлж, 100 хувь дэмжсэн байна.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.