2019.01.11 · niitlelch.mn (Archiv) · Архив

М.Энхболд: Огцруулах асуудал хуулийн дагуу байх ёстой

Нэрээр автоматаар холбосон · ⚑ Алдаа мэдэгдэх

-Та жагсагчдын тавьсан шаардлагад ямар хариу өгсөн бэ?

-Сүхбаатарын талбай дээр жагсч байгаагаа иргэдийн төлөөлөл, УИХ-ын зарим гишүүн уулзах хүсэлт тавьсан. Хүсэлтийн дагуу уулзаж, тэдний шаардлага, хүсэлтийг сонссон. Өмнөх арванхоёрдугаар сарын 27-ны өдөр болсон жагсаалын үеэр 4, 5 зүйлийг шаардлага тавьсан.

Тус шаардлагын хариу болгож хоёр бүтэн, нэг хагас хуудас шаардлагын хариуг танилцуулсан. Гэхдээ тэд шаардлагын хариутай танилцахыг хүсээгүй, “энэ шаардлагын хариуг чинь хүлээж авахгүй” гэдгийг хэлсэн.

~УИХ-ын даргыг огцруулах асуудал хуулийн дагуу байх ёстой~

Миний хувьд УИХ-ын даргыг огцруулах асуудал хуулийн дагуу байх ёстой гэдэг шаардлагыг л тавьж байгаа. УИХ-ын гишүүдийн тавьсан шаардлагыг УИХ-ын Төрийн байгуулалтын байнгын хороо хуульд нийцээгүй учраас хэлэлцэх боломжгүй гэсэн дүгнэлт гарсан.

Ерөнхийлөгчийн зүгээс УИХ-ын даргыг огцруулах хуулийн шинэ заалт оруулахаар хууль санаачлаад хэлэлцээд явж байна. УИХ-ын Дэгийн дагуу энэ хуулийн төслийг хэлэлцүүлнэ, миний хувьд энэ хуулийн төслийг дэмжиж байгаа.

-Жагсагдчын төлөөлөл танай өрөөнд тань руу дайрсан асуудал гарсан юм уу?

-Орж ирсэн хүмүүс нэлээд бухимдалтай байна лээ. Би тэднийг ойлгож байгаа. Гадаа ч иргэд, олон түмэн бухимдалтай байна. Иргэдийн амьдрал сайнгүй байна. Харин энэ олон тулгамдаж байгаа асуудлыг УИХ, Засгийн газар үйл ажиллагаагаа тасалдуулахгүй явуулж, түргэн шуурхай шийдвэрлэх ёстой.

Өнөөдрийн байдлаар 9 удаагийн чуулган хойшилсон байгаа. Иргэдийн бухимдаж байгаа асуудалд төр засгийн байгууллагын аль аль анхаарал хандуулж, УИХ-ын үйл ажиллагааг хэвийн явуулах талаар гишүүд анхаарч ажиллахыг хүсч байна.

Энэ нийтлэл niitlelch.mn-ийн өмнөх архиваас. Анх нийтлэгдсэн огноо дээр заагдсан.
🗎 Архивлагдсан хувь (2026-10-24)
Архивлагдсан хувь: бид эх сурвалжийн HTML-ийг татаж авсан тэр мөчид нь хадгалдаг. Эх нийтлэл устсан, өөрчлөгдсөн ч энд юу бичигдсэн байсныг харж болно. Хяналтын нийлбэр (SHA-256) нь файл өөрчлөгдөөгүйг баталгаажуулна.

⚑ Алдаа мэдэгдэх

Сэтгэгдэл (0)

Сэтгэгдэл алга.

Сэтгэгдэл бичихийн тулд нэвтэрнэ үү.