28/01/2019 · niitlelch.mn (Archiv) · Archive

Тамаваши Б.Мөнх-Оргил “Эзэн хааны цом” хүртлээ

Японы мэргэжлийн сумо бөхийн Хацү башёгийн 15 дахь өдөр Эндог давснаар Тамаваши Б.Мөнх-Оргил 13 даваа, 2 унаатай энэ башёд түрүүлж Японы Эзэн хааны цомыг анх удаагаа хүртэж байна.

Ийнхүү Тамаваши Б.Мөнх-Оргил 32 нас 2 сартайдаа мэргэжлийн сумо бөхийн дээд зиндаа буюу Макүүчид түрүүлж Эзэн хааны цомын эзэн боллоо. Б.Мөнх-Оргилын хувьд яг энэ өдөр түүний хоёр дахь хүү нь төрсөн онцгой содон баяртай үйл явдал болсон юм.

Мөн хүүтэй болсон энэ өдөр Б.Мөнх-Оргилын аав, ээж нь энэ сумогийн ордонд хүрэлцэн ирсэн байв.

Хацү башёгийн сүүлийн өдрийн барилдаанд Озэки Такаясү, Кайсэйг давж 9 даваатай болж, Кайсэй 10 даваа, 5 унаатай башёг өндөрлүүллээ. Харин Хацү башёгийн 15 дахь өдөр Озэки Гойэдо, Сэкиваке Такакейшёог давж 9 даваа, 6 унаатай болж,

Ирэх башёд Озэки цол хүртэх өндөр магадлалтай байсан Такакейшёо 11 даваа, 4 унаатай энэ башёг дуусгасан юм.Харин Ичиножёо А.Ичинноров, Шодайд унаснаар 6 даваа, 9 унаатай Хацү башёг өндөрлүүллээ.

This article is from the earlier niitlelch.mn archive. Original publication date shown above.
🗎 Snapshot (2026-10-24)
Archived copy: we store the source HTML at the moment of crawling. Even if the original is deleted or changed, you can see what it said. The SHA-256 checksum proves the file is unchanged.

⚑ Report an error

Comments (0)

No comments yet.

Log in to comment.