27.02.2019 · niitlelch.mn (Archiv) · Archiv

Sony болон Fujitsu хамтран Блокчейны платформ нэвтрүүлэв

Японы үндэстэн дамнасан томоохон корпорацуудын нэг болох “Sony” нь мэдээллийн технологийн төхөөрөмж үйлчилгээний “Fujitsu” фирмтэй хамтран боловсролын чиглэлийн баримт бичгүүдийг аюулгүй хадгалах, баталгаажуулах датабааз буюу платформыг бий болгожээ.

Энэ талаар 2 сарын 26-ны өдөр “Asahi Shimbun” мэдээлсэн байна. Блокчейн технологид суурилсан уг датабаазын тусламжтайгаар хэлний ур чадварыг баталсан бичиг баримтуудыг хуурамчаар үйлдэх явдлаас урьдчилан сэргийлэх ач холбогдолтой юм.

Япон улсад суралцаж, түр болон байнгын оршин суугчийн статус авахын тулд гаднын улс орны иргэд хуурамчаар хэлний ур чадварын бичиг баримтууд үйлдэх явдал түгээмэл байдаг.

Гадаадын иргэд нь Япон улсад суралцахын тулд түр оршин суух зөвшөөрөл авахдаа Япон хэлний чадвараа илэрхийлсэн сертификаттай байхыг шаарддаг.

Тэрхүү хэлний ур чадварын сертификатыг дэлхийн өөр бусад улс орнууд дахь Япон хэлний төвүүд олгодог бөгөөд хуурамчаар үйлдэх нь олонтаа тохиолддог гэнэ.

Тэр байдлаас сэргийлэхийн тулд ийнхүү блокчейнд суурилсан нэгдсэн датабаазыг Sony болон “Fujitsu” нэвтрүүлж байна.

Dieser Artikel stammt aus dem früheren niitlelch.mn-Archiv. Ursprüngliches Datum oben.
🗎 Archivkopie (2026-10-24)
Archivkopie: Wir speichern das HTML der Quelle zum Zeitpunkt des Abrufs. Auch wenn das Original gelöscht oder geändert wird, bleibt nachlesbar, was dort stand. Die SHA-256-Prüfsumme belegt, dass die Datei unverändert ist.

⚑ Fehler melden

Kommentare (0)

Noch keine Kommentare.

Zum Kommentieren bitte anmelden.