АНУ-ын Флорида мужид 30 жилийн дараа цас оржээ
АНУ даяар эрс хүйтэрч, тус улсын өмнөд нутгийн Флорида муж улсад бараг 30 орчим жилийн дараа цас орсон тухай “Ассошиэтед Пресс” агентлаг мэдээллээ.
Өнгөрсөн сарын сүүлчээс тус улс даяар эрс хүйтэрч эхэлсний улмаас 17 хүн осгож амиа алдаад байна.
Энэ долоо хоногийн мягмар гарагт Флоридагийн хойд хэсэгт орших мужийн төв Таллахасси хотод цас оржээ. Тус муж улсад 28 жилийн дараа анх удаагаа цас орсон нь энэ гэнэ.
АНУ-ын Зүүн эргийн хотуудад энэ долоо хоногийг дуустал цас орж, цасан шуурга шуурах төлөвтэй байна гэж цаг уурчид мэдээлсэн байна.
Г.Доржханд
