“Ernst & Young” аудитын фирм нь блокчейнтэй холбогдол бүхий 2 бүтээгдэхүүний мэдээллийг шинэчлэсэн тухайгаа мэдэгдлээ.
Аудитын үйлчилгээний чанараараа дэлхийд тэргүүлэгчдийн нэг болох Ernst & Young нь Blockchain Analyzer болон zero knowledge proof protocol-ын шинэ хувилбарыг танилцуулсан байна.
Компани 4 сарын 16-ны өдөр 2 тусдаа хэвлэлийн бага хурал хийлгэж, мэдээллийг өгчээ. Ernst & Young фирм нь аналитикийн төхөөрөмж болох EY Blockchain Analyzer-ынхаа 2 дахь үеийг ийнхүү эхлүүлээд байгаа юм. Өмнө нь 1 дүгээр үеийн бүтээгдэхүүн нь зөвхөн EY аудитын багуудад зориулагдсан байжээ.
Блокчейнд зориулсан EY Global Innovation-ын төлөөлөл болсон Пол Бродигийн хэлж буйгаар тус компани аудит, татвар, шилжүүлэг, гуйвуулгыг мониторинг хийх зорилготой платформын солюшныг гаргахаар ажиллаж байгаа гэнэ.
