Ерөнхий сайдын Баруун аймгуудад ажиллах томилолт Ховд аймгаас эхэлсэн бол өчигдөр Говь-Алтай аймагт үргэлжиллээ. Энэ үеэр Ерөнхий сайд Баянхонгор, Говь-Алтай чиглэлийн 260 км автозамыг энэ ондоо багтаан дуусгах шийдвэр гаргасан юм.
Баянхонгороос Говь-Алтай хүртэлх замын ажил 2012 онд эхэлж, эхний ээлжинд 128 км хатуу хучилттай авто замыг БНХАУ-ын“Шинжан шин фа”хэмээх компани барьж байсан бол Засгийн газрын аймгийн төвүүдийг хатуу хучилттай автозамаар холбох зорилтын хүрээнд уг замыг үргэлжлүүлж, бүхэлд нь хатуу хучилттай болгон энэ онд багтаан ашиглалтад оруулахаар шийдвэрлэсэн нь энэ аж.
