СЭРЭМЖЛҮҮЛЭГ: Ойн түймэр гарчээ. Тодруулбал Хөвсгөл аймгийн Чандмань-Өндөр, Цагаан-Үүр сумын хилийн зааг “Халхан гол” гэдэг газарт ойн түймэр гарчээ.
Түймрийн дуудлагыг энэ сарын 3-ны өдрийн 16:54 цагт хүлээн авч тус аймгийн Онцгой байдлын газрын 12 алба хаагч, нэг автомашин, Цагаан-Үүр сумын 34 иргэн, хоёр автомашин, Чандмань-Өндөр сумын 21 иргэн хоёр автомашин, 17 морьтой хүн, нийт 67 хүн, 5 техник хэрэгсэл, 17 морьтой унтраахаар ажиллаж байна. Түймэр гарсан газар нь Цагаан-Үүр сумаас баруун зүгт 35 км-т оршдог аж.
