УИХ-ын гишүүн Х.Болорчулуун анх 2012 онд бие даан нэр дэвшиж сонгогдсон. “Пиншүү” Ганбаатар, Г.Уянга зэрэг гишүүдтэй ганзага нийлж, гайгүй “поп” гишүүдийн нэг гэж яригддаг. Харин 2016 онд МАН-аас нэр дэвшин УИХ-д сонгогдож, 65-ын нэг болчихоод байгаа. Улс төрд гай ч тариагүй, гавьяа ч байгуулаагүй Х.Болорчулуун гишүүн төрөлх нутагтаа гай тарьж байгаа тухай яриа Дорнодын уудам талд гарчээ.
Учир нь Х.Болорчулуун гишүүний гэгддэг “Дорнод гурил” ХХК Хэрлэн голыг боож, тариан талбайгаа усалснаас гол ширгэж, загас нь үхэж байгаа сурагтай.
