~Улсын наадмын ТҮРҮҮ бөхийг “Ланд Криузер VX-R” машинаар байлна~
НЗДТГ-ын Мэдээллийн төвд хэвлэлийн бага хурал хийж “Тоёота мотор корпорац” үндэсний их баяр наадмын түрүү бөхийг “Ланд Криузер VX-R” загварын автомашинаар шагнах тухайгаа мэдээллээ.
“Тоёота мотор корпораци” энэ жилийн наадмын үндэсний бөхийн барилдаанд түрүүлсэн бөхийн шагнал болох тус автомашиныг долдугаар сарын 13-ны 11:30 цагт Сүхбаатарын талбайд Нийслэлийн засаг дарга бөгөөд Улаанбаатар хотын захирагч С.Батболд, Монгол дахь “Тоёота мотор корпорац”-ийн албан ёсны дистрибьютор компани болох Тоёота Сэйлс Монголиа ХХК-ийн гүйцэтгэх захирал Тошира Курахаши нар албан ёсоор гардуулах юм.
Мөн төв талбайд тусгай тайз засч, дэлгэц байрлуулан үндэсний их баяр наадмын үйл ажиллагааг шууд дамжуулахаас гадна сонирхолтой үзүүлбэр толилуулахаар төлөвлөжээ.
