Нийслэлийн Засаг даргын А/596 тоот захирамжаар Баянзүрх дүүргийн 26 дугаар хорооны нутаг дэвсгэрт байрлах 30 мянган ам метр газрыг нийслэлийн Боловсролын газарт сургууль, цэцэрлэгийн цогцолборын зориулалтаар 15 жил эзэмшүүлэх эрх олголоо.
Ингэснээр Баянзүрх дүүргийн 133 дугаар сургуулийн багш, сурагчид шинэ хичээлийн байртай болох боломж бүрдлээ.
Ерөнхий боловсролын 133 дугаар сургууль нь 2017 онд шинээр байгуулагдсан ч газаргүйн улмаас “Монгол тэмүүлэл” сургуулийн нэг, хоёрдугаар давхарт хичээллэж байсан юм.
