Хөвсгөл нуур хүртэл хар зам тавьсанаас хойш тус нуурыг зорих гадаадын төдийгүй дотоодын жуулчдын тоо эрс нэмэгдсэн. Аялал жуулчлалын үеэр амрагчдын хөлд дарагддаг Хөвсгөл нуурын баруун эрэг буюу Тойлогт орчмын аялал жуулчлалын бүсийг төвлөрсөн эрчим хүчээр холбохоор шийдвэрлэлээ.
Уг ажлыг богино хугацаанд гүйцэтгэж, энэ жилийн аялал жуулчлалын улирал эхлэхээс өмнө буюу зургадугаар сарын 15-наас өмнө байнгын эрчим хүчээр хангаж, ашиглалтад оруулахыг өнөөдөр болсон Засгийн газрын хуралдаанаар шийдвэрлэж, эрчим хүчний сайд П.Ганхүүд даалгалаа.
У.Түшиг
