Ажлын байрыг дэмжих хөтөлбөрт 18972 иргэн хамрагджээ. Хөдөлмөр, халамжийн үйлчилгээний ерөнхий газар энэ онд байнгын ажлын байрыг дэмжих хөтөлбөрийн хүрээнд 24131 иргэн дэмжлэг хүссэн байна.
Энэ ажлын хүрээнд 18972 иргэнийг ажлын байраар хангажээ. Аж ахуй эрхлэлтийн сургалтанд 4192, борлуулалтын болон ажлын байрны түрээсийн төлбөрийн дэмжлэг үзүүлэх арга хэмжээнд 556, ажил олгогчийг дэмжих арга хэмжээнд 113 иргэн хамрагдсан байна.
Нийтийг хамарсан ажилд 11773, хүнсний ногоо тариалах арга хэмжээнд 2184, цагийн ажилд зуучлах арга хэмжээнд 3608, эргэн төлөгдөх санхүүгийн дэмжлэг олгох арга хэмжээнд 1695 иргэн хамрагджээ.
