Баянзүрх дүүргийн 11 дүгээр хорооны нутаг дэвсгэр Баянзүрхийн товчооны зүүн замд энэ сарын 17 буюу шинийн хоёрны өдрийн 21:00 цагийн үед явган зорчигч Я.З-ийн амь насыг хохироогоод хэргийн газрыг орхин явсан жолоочийг Замын цагдаагийн албаны алба хаагчид илрүүлэн, баривчиллаа.
Замын цагдаагийн албаны Эрүүгийн тасгийн алба хаагчид шуурхай ажилласны дүнд уг этгээдийг энэ сарын 18-ны 20:00 цагийн үед Хан-Уул дүүрэг дэх гэртээ байхад нь илрүүлсэн байна. Хан-Уул дүүрэгт оршин суух хаягтай, 30 настай, эрэгтэй А-г баривчлан хэргийн шалгалтын ажиллагааг үргэлжлүүлж байгаа юм.
