1992-2015 онд манай улсын 4252 иргэн Япон улсад дадлагажигчаар ажилласан байдаг. Зөвхөн өнгөрөгч онд гэхэд тус улсад 600 гаруй монгол залуус ажилласан байна.
Гэхдээ тус улсад гаднын орнуудаас жил бүр 200 мянган дадлагажигч ажилладаг тул манай улсаас очиж ур чадвараа дээшлүүлэн ажиллах хүсэлтэй залуусын тоог нэмэх хүсэлтэй буйгаа Засгийн газрын Хэрэг эрхлэх газрын дарга Ж.Мөнхбат Япон улсын Онц бөгөөд Бүрэн эрхт Элчин сайд Масато Таканог хүлээн авч уулзах үеэрээ уламжиллаа.
Түүнчлэн нүүрс, төмрийн хүдэр, хайлуур жонш зэрэг бүтээгдэхүүнийг тус улсад түлхүү экспортлох хүсэлтэй байгаагаа илэрхийлжээ.
