~Өмнөговь аймагт АДУУЧИН-2018 тэмцээн болов~
Монгол адууны уламжлал өв соёлыг түгээн дэлгэрүүлэх, зан заншлыг сэргээх, нийтэд сурталчлах, адуучин залуусаа алдаршуулах зорилгоор аймгийн Засаг даргын ивээл дор аймгийн аварга шалгаруулах
“АДУУЧИН-2018” тэмцээнийг Өмнөговь аймгийн Баяндалай сумын Баян багийн нутагт 9 дүгээр сарын 8-ны өдөр зохион байгуулав.
Уг тэмцээнд 15 сумаас шалгарсан шилдэг адуучид оролцож уурга ташуур шүүрэх, шургуулж уургалах, шургуулж бугуйлдах, эмнэг хангал булгиулах төрлүүдээр өрсөлдөж шилдгүүдээ шалгарууллаа.
1-р байр Баян-Овоо сумын адуучин Батхуяг
2-р байр Ханхонгор сумын адуучин Мөнх-Амгалан
3-р байр Ноён сумын адуучин Батбилэг
4-р байр Баяндалай сумын адуучин Ууганбаяр
5-р байр Ханбогд сумын адуучин Баттулга нар шалгарсан юм.
Аймгийн аварга шалгаруулах адуучин тэмцээнд тэргүүн байр эзэлсэн Баян-Овоо сумын адуучин Батхуяг улсын аварга шалгаруулах адуучин тэмцээнд оролцох эрхийг авлаа.
