Энэ сарын 21-нд Баянзүрх дүүргийн 14 дүгээр хороо Аман хуур хотхонд байрлах аавынхаа ажил дээрээс хичээлдээ явна гээд гарсан охин ор сураггүй алга болсон талаарх нийгмийн сүлжээгээр цацагдсан.
13 настай охин олджээ. Энэ талаар тус зар дээрх охины аавын утас руу холбогдтол “Олдсон” гэх мэдээллийг өглөө. Чухам ямар шалтгаанаар алга болсон, хаанаас олдсоныг хариулалгүй тасаллаа.
Цагдаагийн газраас мэдээлж буйгаар алга болсон гэх хүүхдүүдийн дийлэнх нь олддог бөгөөд хүүхдүүд ихэнхдээ найз нөхөд, хамаатныдаа гэрийнхэндээ хэлэлгүйгээр очсон байдаг аж.
Хүүхдийг болзошгүй аюулаас сэрэмжилж эцэг эхчүүд хүүхдэдээ тавих анхаарал халамжаа сайжруулахыг анхааруулж байна.
