Энэ оны 1-р сарын 18-ны Засгийн газрын хуралдаанаар хүүхдийн мөнгө олгох журмыг шинэчлэн баталсан. Энэхүү журмаар Өрхийн мэдээллийн санд бүртгэлтэй Монгол Улсын 0-18 насны бүх хүүхэд хүүхдийн мөнгө болох 20 мянган төгрөгийг сар бүр авах эрхтэй гэж заасан бөгөөд тус мөнгийг хүний хөгжил сангаас биш зөвхөн улсын төсвөөс олгохоор шийдвэрлэсэн байдаг. Харин эдийн засгийн байдал хүнд байгаа гэх шалтгаанаар найм, ес, аравдугаар сарын мөнгө олгогдоогүй. Харин энэ сарын 10-ны өдрөөс өмнө найм, ес, аравдугаар сарын хүүхдийн мөнгийг нөхөн олгохоор болсныг Хөдөлмөр,нийгмийн хамгааллын яам мэдэгдлээ. Иймээс хүүхдийн мөнгөтэй холбоотой санхүүжилт орж ирэх үед арилжааны банкууд иргэдэд мэдэгдэх юм байна.
