Дуучин Ч.Цэлмүүнийн “ХУРИМЫН ЗУРАГ”-ыг ашиглахыг хориглоно
Дуучин Ч.Цэлмүүн “Universe best songs” наадамд оролцон шилдгийн шилдгээр шалгарч урлаг гэх их айлд хөл тавьсан.
Барууны мэт өвөрмөц төрх, этгээд хоолой нь эрхгүй олны анхаарлын төвд өртсөн. Тэрбээр Эм Ай Ю” сургуулийг Био технологи, хүнс судлаач мэргэжлээр төгссөн нэгэн.
Анхны амьдрал нь бүтэлгүйтэж хүүтэйгээ Япон улсыг зорьсон тэрээр олон жил нөхөрлөсөн найзтайгаа шинэхэн амьдралаа эхлүүлээд буй.
Хуримаа хийсэн шинэхэн хосуудын зураг цахим орчинд тархаж дуртай нэгэн нь ашиглах болсонд дуучин бүсгүй бухимдсан бололтой.
Цахим худаснаа тэрээр “Хуримын зурагийг зөвшөөрөлгүй пост хийснээ шал ондоо хүний нэр нтр тавьчихсан ч байх шиг. Ямар сонин юм бэ. Эвгүй бас дургүй хүрмээр санагдаад, тэгсэн хүмүүс бараг л ингээд хүний хуримын зураг хэрэглээд юу нь буруу байгаа юм гэсэн шиг л аашилж байналээ” хэмээжээ.
Хүн болгон өөрийн гэсэн ертөнцтэй байдаг. Тэр ертөнцдөө нам тайван байх үе, бас шуургалах ч үе байдаг. Өөрийн сэтгэл хөдлөл, дотоод мэдрэмжээ дуулахдаа зориулж чаддаг чадварлаг дуучин бүсгүйдээ амжилт хүсье.
