“Монголын сайхан бүсгүй-2018” наадмын ялагчаар шалгарч “Miss World 2018” тэмцээнд Монгол Улсаа төлөөлөн оролцох гоо бүсгүйгээр шалгарсан Э.Энхриймаа “Сүрьеэгүй Монгол” хүмүүнлэгийн төсөл санаачлан эхлүүлжээ.
Тэрбээр ерөнхий боловсролын сургуулийн сурагчдын дунд “Сүрьеэгүй гэр бүл” сэдэвт зураг зуруулж, олон нийтэд зориулсан үзэсгэлэн гаргахаар төлөвлөжээ.
Түүнчлэн олон нийтийн дунд “10 төгрөг” аян өрнүүлж, хандив цуглуулж, сайн дурын сан байгуулж, явуулын хайрцаг болон дансаар хандивын үйл ажиллагаа зохион байгуулж буй юм байна.
Монгол Улсын хувьд 2005 оноос тус тэмцээнд оролцож эхэлсэн билээ.
