Монголын хип хоп урсгалд анхдагч “ТАТАР” тоглохоор зэхэж байна
Монголын хип хоп урсгалын тулгын чулууг тавилцсан залуус бол Татар хамтлагийнхан. Тэд эргэн тайзнаа нэгдэн доргио дуунуудаараа удтал хүлээлгэсэн үзэгч сонсогчдынхоо дурсамжийг сэдрээх гэж байна.
“Крокус эвент холл”-д 19.00 цагт болох энэ тоглолтдоо цомгууддаа орсон бүтээлүүдээс “Бусдын хайрыг хүндэл”, “Бороо”, “Ганцаараа”, “Эсрэг өдөр” зэрэг домог болсон бүх дуунуудаа тэд нэгэн дор дуулж бут авахаар зэхээд буй.
Энэ тоглолтыг “Монгол Контент” компани “Монгол Мюзик” төслийнхөө хүрээнд зохион байгуулах бөгөөд хамтын ажиллагааны гэрээ байгуулснаар “Татар” хамтлагийнхан тоглолтын зохион байгуулалтад санаа зовохгүй уран бүтээлдээ анхаарал хандуулах нөхцөл бүрдэж байна.
