Олны танил П.Шүүдэрцэцэг жүжигчин, бүжигчин, загвар өмсөгч, мисс гээд нэлээд хэдэн мэргэжлийг хослуулж чаддаг.
Тэрээр саяхан цахим ертөнцөд өөрийн хайртай залуудаа зориулан сэтгэлийн үгээ бичжээ. Хайр сэтгэлийн хамгийн том илэрхийлэмж нь “чин сэтгэлийн үгс” байдаг.
Жүжигчин бүсгүйн найз залууг Улсын Драмын эрдмийн Театрын жүжигчин СТА Э.Тодгэрэл гэдгийг олон нийт мэдэх биз ээ. Ингээд дурлалт хосын биедээ зориулсан чин сэтгэлийн үгсээс хүргэж байна.
~Шүүдэрхэн хайрын үгсийг харамгүй хэлэх болжээ~
УДЭТ-ын жүжигчин СТА Э.Тодгэрэл, Жүжигчин П.Шүүдэрцэцэгийн хамт Сайхан залуу минь 04-20-ний өдөр мэндэлсэн. Хайртдаа төрсөн өдрийн мэнд хүргье. Халамжит залуу ховор эрдэнэ, сайхан чамдаа төрсөн өдрийн гал халуун мэнд хүргье. Ийм мундаг залуу болж өссөн хүмүүжил нь юутай гайхалтай вэ? Бусдыг ойлгох хүндлэх ухаан, бусдыг хайрлах энэрэх, халамжилж хайрлах, ухааныг чамаасаа мэдрээд би чинь жаргаж байдаг юм шүү. Сэтгэлийг минь амар тайван байлгахын төлөө бүх зүйлийг хийдэг энэ залуу минь үнэлшгүй их гавьяа, томоос том дотоод сэтгэлийн хүчтэй. Нэг л тийм дотоод сэтгэлийн том хүчтэй сонин залуу байдаг юм. Хайртай шүү чамдаа. Бурхнаас надад хаяглагдан ирсэн том бэлэг минь чи, чинийхээ дэргэд би чинь эрх дураараа дүүлэн ниссэн даль жигүүртэн. 2018-04-20
