Түүнийг өхөөрдөм дэггүй, эрх дураараа элдэв хэв маягт баригдалгүй өөрийнхөөрөө байж чаддаг зан ааш нь тодотгодог. Өөрөө өөрийнхөөрөө байх эрх чөлөөг Гэрэлмаагаас мэдрээрэй ч гэдэг. Жүжигчин, хөтлөгч, DJ гээд олон төрлийн авьяастай бүсгүй маань урлаг хэмээх зүйлийг өөрийнхөөрөө тодорхойлжээ.
Ингэхдээ,
“Би урлагаас салах ёсгүй л хүн юм шиг байгаа юм. Сүүлийн үед тэгж бодоод байгаа. Нэг хэсэг урлагаас өөр юм хийх гэж үзсэн л дээ. Дуулахаа болиод жүжигчний мэргэжлээрээ сураад, DJ хийх, гэрэл зураг авахуулах дуртай гэдэг ч юмуу яаж ийж байгаад л ямар нэг байдлаар урлагтай холбогдчихдог. Би өөр юм ч хийж чадахгүй юм шиг байна лээ. Хүний сонирхдог сонирхлын, сурсан мэдсэн юм гэдэг ондоо л байдаг юм билээ” хэмээн нэгэн ярилцлагад дурджээ.
