Ертөнцийн сайхан бүсгүйчүүд нэгэн дээвэр дор чуулж, оюун ухаан, авьяас билэг, гоо үзэсгэлэнгээрээ өрсөлддөг гайхамшигт тэмцээн бол “Miss World 2018”.
Энэ удаагийн “Miss World 2018” гоо бүсгүй шалгаруулах тэмцээн БНХАУ-ын Саньяа хотод болж байна. 68 дахь удаагийн дэлхийн гоо бүсгүйг шалгаруулах тэмцээнд 120 орны миссүүд өрсөлдөх бөгөөд нээлтийн арга хэмжээ өнгөрөгч долоо хоногт боллоо.
Урд хөршийн аялал жуулчлалын төв болсон Санья хотод гоо бүсгүйчүүд 20 хоногийн хугацаанд өөрсдийгөө харуулж, финалын шалгаруулалтад өрсөлдөх юм.
Тодруулбал, арван хоёрдугаар сарын 8-ны үдэш болох титэм гардуулах арга хэмжээний өмнө миссүүд олон шалгуурыг давж, шилдэг 40-т багтахыг хичээдэг.
Энэ жилийн “Монголын сайхан бүсгүй” тэмцээний ялагч Э.Энхриймаа 21 настай, Санхүү эдийн засгийн их сургуулийн оюутан юм.
Тэрбээр Орхон аймгийн харьяат бөгөөд орос, англи хэлтэй, бадминтоны спортын зэрэгтэйгээс гадна математикийн олимпиадад өндөр амжилт үзүүлжээ.
Хэдийгээр олон улсын миссийн тэмцээний туршлагагүй ч “Оюунлаг мисс” Э.Энхриймаад олон нийт итгэл үзүүлж, хүчтэй оролцогчийн нэг гэж үнэлж байгаа.
If you could change one thing about yourself, what would it be??