Улсын начин Д.Анар нүүдэлчдийн гуравдугаар их наадам алтан медаль хүртжээ
Киргизстан Улсын Иссыкөл нуурын эрэг дээр зохион байгуулагдаж байгаа Дэлхийн нүүдэлчдийн гуравдугаар их наадам өчигдөр дөрөв дэх өдрөө амжилт дүүрэн болж өндөрлөлөө.
Энэ наадмаас эхлэн Монгол бөх дэлхийн наадмын бөхийн төрөлд орж байгаа юм. Монгол үндэсний бөхийн төрөлд 14 улсын бөх барилдсанаас Монгол Улсын начин Д.Анар түрүүлэв.
Мөн сүмо, Солонгосын Срым бөхийн барилдаан болж, улсын начин А.Алтанхуяг Срым бөхөөр хүрэл медаль хүртсэн амжилтаар өндөрлөлөө.
Манай улсын тамирчид бөхийн төрлөөр алт, мөнгө, хүрэл медалийг тус бүр хоёрыг хүртээд байна.
