Ерөнхий сайд Ж.Эрдэнэбат өнөөдөр НҮБ-ын Ерөнхий нарийн бичгийн даргын Гамшгийн эрсдэлийг бууруулах тусгай төлөөлөгч Роберт Глассерийг хүлээн авч уулзлаа. Тэрбээр Улаанбаатар хотноо зохион байгуулагдаж буй олон улсын стратегийн Азийн түншлэлийн хуралдаанд оролцож байгаа юм.
Эрс тэс уур амьсгалтай манай орны хувьд гамшгийн эрсдэл тохиолдол эрсдэл ихтэй орны тоонд багтдаг. Тиймээс ч ирэх оны долдугаар сард нийслэл хотноо болох Гамшгийн эрсдэлийг бууруулах Азийн сайд нарын бага хуралд ач холбогдол өгч, бэлтгэлээ базааж буй гэдгээ уулзалтын үеэр Ерөнхий сайд онцолсон байна.
