Аж үйлдвэрийн салбарын борлуулсан бүтээгдэхүүн 2018 оны эхний найман сард 11.4 их наяд төгрөгт хүрчээ.
Үүнд уул уурхай, олборлох аж үйлдвэрийн нийт үйлдвэрлэл өмнөх оны мөн үеэс 18.2 хувиар өссөн нь голлон нөлөөлжээ. Уул уурхай, олборлох аж үйлдвэрийн салбарт оны эхний найман сард зэсийн баяжмал, цайрын баяжмал, хайлуур жонш, буталмал чулуу зэрэг гол нэр төрлийн бүтээгдэхүүний олборлолт жилийн дүнгээр 0.7-42.5 хувиар өссөн байна.
Үүнээс гадна аж үйлдвэрийн салбарын борлуулсан бүтээгдэхүүн тайлант хугацаанд 11.4 их наяд төгрөгт хүрч, 69.3 хувийг нь гадаад зах зээлд борлуулжээ.
