“Монголын хөрөнгийн бирж” ТӨХК нь бүртгэлтэй хувьцаат компаниудын үүргийн хэрэгжилтийг хангуулах замаар хөрөнгө оруулагчдын эрх ашгийг хамгаалах, зах зээлийн хөрвөх чадварыг нэмэгдүүлэх чиглэлээр шат дараалсан арга хэмжээнүүдийг авч ажиллаж байгаа билээ.
Энэхүү арга хэмжээний хүрээнд, МХБ-ийн үнэт цаасны бүртгэлийн шалгуур, шаардлага хангахгүй байгаа хувьцаат компаниудад хууль тогтоомжоор хүлээсэн үүргээ биелүүлэх хугацаатай үүрэг даалгавар өгч, заасан хугацаанд холбогдох зөрчлийг арилгаагүй компаниудыг бүртгэлээс хасах хүртэл арга хэмжээг авч байгаа болно.
Үүний дагуу, үнэт цаасны арилжааг зогсоосноос хойш 1 жилээс дээш хугацаанд арилжаа сэргээгүй буюу арилжааг зогсоох нөхцөл шалтгаан нь арилаагүй дараах нэр бүхий 21 компанийг Компанийн тухай хуулийн 83 дугаар зүйлийн 83.1, Санхүүгийн зохицуулах хорооны “Үнэт цаасны бүртгэлийн журам”-ын 3 дугаар зүйлийн 3.2.1, 3.2.10 дахь заалтууд, “Монголын хөрөнгийн бирж” ТӨХК-ийн Дүрмийн 8 дугаар зүйлийн 8.10.11, “Үнэт цаасны бүртгэлийн журам”-ын 23 дугаар зүйлийн 23.11.4 дэх заалтыг тус тус үндэслэн “Монголын хөрөнгийн бирж” ТӨХК-ийн Гүйцэтгэх захирлын 2019 оны 3 дугаар сарын 04-ний өдрийн А/20 тоот тушаалаар Монголын хөрөнгийн биржийн үнэт цаасны бүртгэлээс хаслаа.
Үүнд:
| Компанийн нэр | Үсгэн код | Тоон код | |
| 1 | “Еврофё Азиа” ХК | SOI | 37 |
| 2 | “Мон-Асар” ХК | ASA | 50 |
| 3 | “Харгиа” ХК | HAG | 365 |
| 4 | “Сав шим” ХК | GTU | 424 |
| 5 | “Алмаас” ХК | ALM | 333 |
| 6 | “Баянтоорой” ХК | BTR | 296 |
| 7 | “Мөнх жим” ХК | AZA | 130 |
| 8 | “Өв-Усжуулагч” ХК | UAA | 212 |
| 9 | “Төв Ус” ХК | UST | 421 |
| 10 | “Хангал” ХК | HGL | 372 |
| 11 | “Чандмань уул” ХК | CAD | 181 |
| 12 | “Харшийн гэгээ” ХК | AVH | 161 |
| 13 | “Баялаг шарын гол” ХК | BLS | 256 |
| 14 | “Ар тархи” ХК | ART | 403 |
| 15 | “Бүтээл” ХК | BUT | 395 |
| 16 | “Дорнод тээвэр” ХК | DOT | 358 |
| 17 | “Жинст” ХК | JST | 230 |
| 18 | “Их нуур” ХК | IHN | 157 |
| 19 | “Их үүсгэл” ХК | IHU | 185 |
| 20 | “Сэлэнгэ импекс” ХК | SEM | 449 |
| 21 | “Чандмань Дундговь” ХК | CDU | 352 |
