“Түнхний дутуу хөгжлийн эрт үеийн оношилгоо, эмчилгээ” сэдэвт сургалт, хэлэлцүүлгийг 2018-09-18-ний өдөр зохион байгууллаа.
Сургалтанд нийслэл, орон нутгийн нэгдсэн эмнэлгийн дүрс оношилгооны болон гэмтэл согог заслын эмч нар, чанарын менежерүүд, нийслэлд үйл ажиллагаа явуулдаг хувийн хэвшлийн эрүүл мэндийн байгууллагын дүрс оношилгооны эмч нар болон мэргэжлийн хяналтын байгууллагын эмчилгээний чанарын хяналтын улсын байцаагчид хамрагдаж байна.
Хүүхдийн “түнхний дутуу хөгжлийн эрт үеийн оношилгоо, эмчилгээ” сэдвээр хэлэлцлээ
Манай улс 2000 оноос эхлэн дөрвөн төрлийн тандалтыг шинэ төрж буй нярайд хийж эхэлсэн. Эдгээр нь түнхний төрөлхийн дутуу хөгжил, бодисын солилцооны эмгэг, сонсголын бууралт болон дутуу төрсөн нярайн харааны тандалт бөгөөд энгийн, хурдан,
аюулгүй аргаар баталгаатай технологийг ашиглан нярайн эмгэгийг эрт илрүүлэх зорилгоор хийгдэж байгаа аж.
Ингэснээр нярайн өвчлөл, эндэгдэл, хөгжлийн бэрхшээл үүсэхээс сэргийлэхэд өндөр ач холбогдолтой.
