Нүүр хуудас Нийгэм Дөн өвлөөр ч замын нөхөөс хийх боломжтой боллоо

Дөн өвлөөр ч замын нөхөөс хийх боломжтой боллоо

194
0
zam-nohoh-tehnology
Дөн өвлөөр ч замын нөхөөс хийх боломжтой боллоо

~Дөн өвлөөр ч замын нөхөөс хийх боломжтой боллоо~

Цаг агаарын ямар ч нөхцөлд авто замыг хүйтэн асфальтаар нөхөх “Битуфикс” бүтээгдэхүүнийг “Битумина Монголиа” ХХК Орхон аймгийн удирдлагуудад танилцууллаа.

Уг бүтээгдэхүүн нь -25 хүртэлх хэмд ч авто замын нүхнүүдийг нөхөж, бөглөх боломжтой юм. Эрс тэс уур амьсгалтай Монгол оронд авто замын ажлыг зөвхөн дулааны улиралд хийдэг.

Тэгвэл Английн шилдэг технологийг Монголдоо нутагшуулж буй “Битумина Монголиа” ХХК “Битуфикс” хэмээх хүйтэн асфальт үйлдвэрлэж зах зээлд гаргаж эхлээд байна.

Уг хүйтэн асфальтаар нэг м.кв талбайг ердөө 10 минутын хугацаанд нөхөх бөгөөд 2-3 уут /60-90 кг/-ыг хэрэглэдэг аж. Уг туршилтыг Эрдэнэт хотын 1-р хорооллын “Мэлмий” төвийн урд талын авто зам дээр хийлээ.

Харин одоо ашиглаж байгаа уламжлалт технологиор нэг м.кв талбайг нөхөхийн тулд асфальтаа халуунаар нь /+140 хэм/ авчрах, индүүдэгч техник ажиллуулах зэрэг цаг хугацаа их зарцуулдаг байна. Орхон аймаг асфальтын нэг үйлдвэртэй ч тэр нь хуучны технологиор ажилладаг байна.

Энэ жил Орхон аймаг 2214 м.кв авто замыг нөхсөн. Үүнд 100 орчим сая төгрөг зарцуулсан. Авто замын эвдрэл, нөхөөсийн хэмжилтийг хавар эрт хийдэг ч гүйцэтгэх хугацаа хүртэл нэмж томрох, өөр газарт шинээр үүсэх тохиолдол их байдаг аж.

Хэрэв дээрх технологи манай орны цаг агаарын нөхцөл, авто замын ачааллын “шалгуур”-ыг давж чадвал зөвхөн Улаанбаатар хотын авто замыг нөхөхөд зарцуулдаг 6 тэрбум төгрөг Монголын эдийн засагт эргэлдэх боломжтой юм. Үндсэн түүхий эд нь хайрга юм.

Өөрсдийн бүтээгдэхүүн, үйлчилгээндээ хоёр жилийн баталгаа өгч буй “Битумина Монголиа” ХХК өдөрт 60 тонн хүйтэн асфальт үйлдвэрлэх хүчин чадалтай гэж Орхон аймгийн мэдээллийн төвөөс мэдээллээ.

ХАРИУ ҮЛДЭЭХ

Please enter your comment!
Please enter your name here