Малчдад нэн шаардлагатай байгаа “МАЛЫН ЭМ”-ийг үнэгүй олгож байна. Тодруулбал Өвөрхангай аймгийн иргэдийн Төлөөлөгчдийн Хурлаас өвөлжилт, хаваржилтын хүнд нөхцөл байдлыг харгалзан “Тэргүүлэгчдийн 2018 оны 3 дугаар сарын 09-ний өдрийн 15 дугаар тогтоолоор “Малчдаа дэмжье” 45 хоногийн аяныг зарласан билээ.
Үүгээр малчдад нэн шаардлагатай байгаа “Монбиовит” эмийг үнэ төлбөргүйгээр олгохоор боллоо.
Уг эм нь малын гэдэс ходоодны хямрал, чацга алдалтаас урьдчилан сэргийлэх зориулалттай бөгөөд 200 граммын савлагаатай, 3400 ширхэг эмийг сумдын Хөдөө аж ахуйн тасгаар дамжуулан малчдад үнэ төлбөргүй нийлүүлнэ.
