Нийслэлийн Онцгой байдлын газрын хамт олон 3-9 насны 6 хүүхэдтэй өрх толгойлсон Ш.Нарангэрэлд туслах хандивын аянд нэгдэж, сэтгэлийн хандив өргөлөө.
Иргэн Ш.Нарангэрэлд туслах аяныг “Хамаг Монгол” групп, “Хүүхдийн хүчирхийллийн эсрэг тайван жагсаалын групп” санаачлан эхлүүлсэн бөгөөд Онцгой байдлын байгууллагаа төлөөлөн ийнхүү НОБГ-ын алба хаагчид нэгдсэн юм.
Алба хаагчид иргэн Ш.Нарангэрэлийнд жилийн түлээ, нүүрсний хэрэглээ, хүнсний болоод ахуйн хэрэглээний барааг хүлээлгэн өглөө.
Түүнчлэн 3-9 насны 6 хүүхдэд нь тус бүр 50,000 төгрөгний хадгаламжийн дэвтрийг нээж, хуримтлалтай болгосон байна. Сайхан сэтгэлийн үзүүрт шар тос хэмээдэг юм шүү. Өрх толгойлсон ээжид туслалцаа үзүүлсэн алба хаагчддад баярлалаа.
