Нүүр хуудас Нийгэм Төв талбайн урд хэсгийг тохижуулах ШИЙДЭЛ танд бий юу?

Төв талбайн урд хэсгийг тохижуулах ШИЙДЭЛ танд бий юу?

63
0
suhbaatriin-talbai-ba-zurag-tosol-2019
Төв талбайн урд хэсгийг тохижуулах ШИЙДЭЛ танд байна уу?

Сүхбаатарын талбайн урд хэсгийн 2.5 га газарт тохижилтын зураг төсөл боловсруулах уралдаан зохион байгуулагдаж байна. Хэрэв танд энэхүү газарт тохирсон шинэ санаа, өвөрмөц шийдэл байвал яаралтай бүртгүүлээрэй.

Төв талбайн урд хэсгийн тохижилтыг мэргэжлийн байгууллага, олон нийтийн оролцоотой шинэчлэх шинэ санаа, шилдэг шийдлийг тодорхойлж, бүтээн байгуулалт хийх зорилгоор 30 сая төгрөгийн шагналын сантай уралдааныг тавдугаар сарын 15-наас 29 хүртэл 14 хоногийн хугацаатай зарлаад буй.

Уралдаанд зураг төслийн мэргэжлийн байгууллагууд, хувь уран бүтээлчид, мэргэжлийн ангийн оюутнууд зураг төслийн мэргэжлийн байгууллагатай хамтран оролцох боломжтой.

~Төв талбайн урд хэсгийг тохижуулах ШИЙДЭЛ танд бий юу?~

Сүхбаатарын талбайн урд хэсгийн тохижилтын зураг төсөл боловсруулах уралдаанд оролцох хүсэлтэй уран бүтээлчид, аж ахуйн нэгжүүд бүтээлээ энэ сарын 29-ний 16.00 цагаас өмнө нийслэлийн төр, захиргааны байр “Хангарди” ордон, Хот байгуулалт, хөгжлийн газарт авчирч өгөх юм. Одоогоор 10-аад аж ахуйн нэгж нийслэлийн Хот байгуулалт, хөгжлийн газраас дэвсгэр зураг аваад байгаа аж.

Энэхүү уралдааны архитектур, орон зайн төлөвлөлтөд тавигдах гол шаардлага нь үндэсний онцлог, түүх, хэв шинжийг тусгасан байдал, байгаль орчинд ээлтэй, орчин үеийн технологийн шинэлэг шийдэлтэй байх гэх мэт шалгуур үзүүлэлтүүдийг хангасан байх шаардлагатай аж.

Шалгарсан бүтээлийн зохиогчийн эрх нь нийслэлийн ЗДТГ-т үлдэх бөгөөд шилдэг санаа, шийдэл гаргасан оролцогч тохижилтын ажлын зураг төсөл боловсруулах ажилд давуу эрхтэй оролцох юм байна.

ХАРИУ ҮЛДЭЭХ

Please enter your comment!
Please enter your name here