Улсын хэмжээнд үйл ажиллагаа явуулж буй төрийн бүх музей өнөөдрөөс энэ сарын 07-ныг дуустал иргэдэд үнэ төлбөргүй үйлчилнэ.
Соёлын биет өвд тулгуурлан хүүхэд, залууст монгол ахуй, өв соёлыг түгээн дэлгэрүүлэх, эх оронч үзэл төлөвшүүлэх, нийгмийн хөгжилд музейн оруулах хувь нэмрийг нэмэгдүүлэх зорилгоор БСШУС-ын сайдын тушаалаар жил бүрийн гуравдугаар сарын эхний долоо хоногт “Музейн нээлттэй өдрүүд” арга хэмжээг зохион байгуулах болсон юм. Энэ өдрүүдэд улсын хэмжээнд үйл ажиллагаа явуулж буй төрийн бүх музей иргэдэд үнэ төлбөргүй үйлчлэх юм. Мөн бүх музей Монголын түүх, соёл, зан заншил, үндэсний бахархалт үнэт зүйлсийг сурталчилан таниулах чиглэлээр тусгай үзэсгэлэн гаргах аж.
