Монголын рок поп ертөнцөд өөрийн хүчтэй хоолойгоор эрхгүй танигдаж, олон олон “ХИТ” дууны эзэн болсон уран бүтээлч бол Б.Маралжингоо. Тайзнаа өвөрмөц илэрхийлэмж, донж төрх, хоолойн цараар ялгардаг хэмээн түүнийг сайшаах нэгэн цөөнгүй.
Тайз дэлгэц тэр дундаа дуучид гоё гоо сайхан байж, түүгээрээ олон нийтийг соён гэгээрүүлдэг онцлогтой. Энэ ч утгаараа Б.Маралжингоо өөртөө багагүй өөрчлөлтийг хийж, хараа дээгүүр алхах болжээ. Эгдүүтэй төрхөөс татгалзаж эрүү, уруулдаа өөрчлөлт хийсэн нь олныг гайхшруулав.
Түүнчлэн өчигдөрхөн /2019-05-05/ үзэгчдийн хүртээл болсон “Яг түүн шиг” шоуны эхний дугаарын онцлох оролцогчдын нэг яах аргагүй дуучин Маралжингоо байлаа. Учир нь тэрбээр дүр төрх болоод Amy Winehouse-ийн уран бүтээлийг гайхалтай амилуулсан юм.
